20 yoshli fransiyalik hujumchi Matis Tel to‘liq "Tottenxem" o‘yinchisiga aylandi. Bu haqda "shporlar" matbuot xizmati xabar bermoqda.
"Tottenxem" futbolchini joriy yilning fevral oyida "Bavariya"dan ijaraga olgan, hozirda esa nemis grandidan sotib olgan. Telning ingliz jamoasi bilan kelishuvi 2031 yilgacha mo‘ljallangan.
Mish-mishlarga ishonadigan bo‘lsak, hujumchining xaridi Yevropa Ligasi g‘olibiga 35 million yevroga tushgan.
"Tottenxem" tarkibida Matis Tel barcha musobaqalarni inobatga olgan holda 20 ta uchrashuvda maydonga tushib, 3 ta gol urdi va 1 ta assistni o‘z hisobiga yozdirib qo‘ydi.













