20 ёшли франциялик ҳужумчи Матис Тель тўлиқ "Тоттенхэм" ўйинчисига айланди. Бу ҳақда "шпорлар" матбуот хизмати хабар бермоқда.
"Тоттенхэм" футболчини жорий йилнинг февраль ойида "Бавария"дан ижарага олган, ҳозирда эса немис грандидан сотиб олган. Телнинг инглиз жамоаси билан келишуви 2031 йилгача мўлжалланган.
Миш-мишларга ишонадиган бўлсак, ҳужумчининг хариди Европа Лигаси ғолибига 35 миллион еврога тушган.
"Тоттенхэм" таркибида Матис Тель барча мусобақаларни инобатга олган ҳолда 20 та учрашувда майдонга тушиб, 3 та гол урди ва 1 та ассистни ўз ҳисобига ёздириб қўйди.
