Londonning "Arsenal" klubi yarim himoyachi Maylz Lyuis-Skelli bilan kelishuvni uzaytirishiga ishonmoqda.

18 yoshli futbolchining shartnomasi 2026 yilning yozigacha mo‘ljallangan. Avvalroq, "Real" futbolchini bir yildan keyin erkin agent sifatida o‘z safiga qo‘shib olishi mumkinligi haqida xabarlar tarqalgan edi. Ammo insayder Fabrisio Romanoning ma’lum qilishicha, londonliklar Maylz bilan yangi bitim tuzishga ishonch va optimizmni saqlab qolmoqda, chunki muzokaralar allaqachon boshlangan.

O‘tgan mavsumda futbolchi Angliya Premyer-ligasida 23ta o‘yinda maydonga tushib, 1ta gol urgan.