Лондоннинг "Арсенал" клуби ярим ҳимоячи Майлз Льюис-Скелли билан келишувни узайтиришига ишонмоқда.

18 ёшли футболчининг шартномаси 2026 йилнинг ёзигача мўлжалланган. Аввалроқ, "Реал" футболчини бир йилдан кейин эркин агент сифатида ўз сафига қўшиб олиши мумкинлиги ҳақида хабарлар тарқалган эди. Аммо инсайдер Фабрицио Романонинг маълум қилишича, лондонликлар Майлз билан янги битим тузишга ишонч ва оптимизмни сақлаб қолмоқда, чунки музокаралар аллақачон бошланган.

Ўтган мавсумда футболчи Англия Премьер-лигасида 23та ўйинда майдонга тушиб, 1та гол урган.