"Barselona" yarim himoyachisi Fermin Lopes Myunxenning "Bavariya" klubi qiziqishlari doirasiga tushib qoldi. Bu haqda jurnalist Ben Jeykobs o‘z ijtimoiy tarmoqlarida ma’lum qildi.
Unga ko‘ra, nemis klubi vakillari futbolchining atrofidagilar bilan aloqa o‘rnatgan. Muzokaralar tanishuv xarakterida bo‘lib, aniq takliflar kelib tushmadi. Shu bilan birga, Lopes Kataloniya klubida qolish niyatini bildirdi.
Ispaniya chempionatining yakunlangan mavsumida 22 yoshli xavbek 28 ta o‘yinda maydonga tushib, oltita gol urdi va sheriklariga beshta golli uzatmani amalga oshirdi.
