"Барселона" ярим ҳимоячиси Фермин Лопес Мюнхеннинг "Бавария" клуби қизиқишлари доирасига тушиб қолди. Бу ҳақда журналист Бен Жейкобс ўз ижтимоий тармоқларида маълум қилди.
Унга кўра, немис клуби вакиллари футболчининг атрофидагилар билан алоқа ўрнатган. Музокаралар танишув характерида бўлиб, аниқ таклифлар келиб тушмади. Шу билан бирга, Лопес Каталония клубида қолиш ниятини билдирди.
Испания чемпионатининг якунланган мавсумида 22 ёшли хавбек 28 та ўйинда майдонга тушиб, олтита гол урди ва шерикларига бешта голли узатмани амалга оширди.













