Italiya terma jamoasi delegasiyasi rahbari Janluiji Buffon "Fenerbaxche" bosh murabbiyi Joze Mourinyoni milliy jamoaga taklif etish g‘oyasiga qarshi chiqqan.
La Repubblica nashrining xabar berishicha, Italiya futbol ittifoqi Mourinyoni bosh murabbiylikka tayinlash variantini jiddiy ko‘rib chiqqan. Italiya terma jamoasining homiysi va murabbiyning hamkorlaridan biri sanalgan Adidas kompaniyasi Mourinyoning maoshining bir qismini moliyalashtirishga tayyor edi. Ammo Mourinyo bilan yana bir yillik shartnomaga ega bo‘lgan "Fenerbaxche" uning ketishi uchun katta miqdorda kompensasiya talab qilgan bo‘lar edi.
Aynan Buffon Mourinyoni tayinlash ehtimoliga keskin qarshilik bildirgan va terma jamoaga "Italiya futbolini ifoda etadigan" murabbiy kerakligini ta’kidlagan.
Natijada, Italiya terma jamoasi bosh murabbiyi lavozimiga Jennaro Gattuzo tayinlandi.













