Hujumchi Endi Kerroll Fransiya chempionatining to‘rtinchi divizionida to‘p tepayotgan “Bordo”ni tark etdi.
Klub 36 yoshli angliyalik o‘z farzandlariga yaqinroq bo‘lish uchun ketganini ta’kidladi. SudOuest.com xabariga ko‘ra, hujumchi "Bordo"ga o‘tganida oyiga 1614 yevro maosh olishga rozi bo‘lgan, ikkinchi mavsumda bu miqdor 13 ming yevroga ko‘tarilgan. Bu "Bordo"ning moliyaviy ahvolini sezilarli darajada murakkablashtirgan bo‘lardi.
2024/25 yilgi mavsumda Kerroll “Bordo” safida 27 ta o‘yinda maydonga tushib, 11 ta gol urdi va 3 ta golli uzatmani amalga oshirdi. Uning shartnomasi 2026 yilning 30 iyuniga qadar amalda edi.













