Bir vaqtning o‘zida Italiyaning ikki grandi - "Roma" va "Yuventus" Marokash terma jamoasining 29 yoshli himoyachisi va Londonning "Vest Xem" klubi futbolchisi Nayef Agerdga qiziqish bildirmoqda.
Bu haqda Janluka Di Marsio yozdi. Manbaga ko‘ra, Rim klubi allaqachon transfer bo‘yicha so‘rov yuborgan - ammo bu klubning sobiq sport direktori Floran Gisolfi tomonidan berilgan. Rimliklarning yangi sport direktori Frederik Massara marokashlik futbolchi bo‘yicha muzokaralarni davom ettirish kerakmi yoki yo‘qligini hali hal qilmagan.
"Yuventus" ham vaziyatni sinchkovlik bilan kuzatib bormoqda: turinliklarga xalqaro tajribaga ega chap oyoqli markaziy himoyachi kerak, Agerd esa profilga juda mos tushadi.
Agerd o‘tgan mavsumni "Real Sosyedad"da ijarada o‘tkazdi va u yerda muntazam ravishda asosiy tarkibda maydonga tushdi: 36 ta o‘yin, ammo gol va golli uzatmalarsiz. Futbolchining "Vest Xem" bilan shartnomasi 2027 yilning yozigacha mo‘ljallangan. Transfermarkt portali uning narxini 18 million yevroga baholamoqda.
