Бир вақтнинг ўзида Италиянинг икки гранди - "Рома" ва "Ювентус" Марокаш терма жамоасининг 29 ёшли ҳимоячиси ва Лондоннинг "Вест Хэм" клуби футболчиси Найеф Агердга қизиқиш билдирмоқда.
Бу ҳақда Жанлука Ди Марцио ёзди. Манбага кўра, Рим клуби аллақачон трансфер бўйича сўров юборган - аммо бу клубнинг собиқ спорт директори Флоран Гисольфи томонидан берилган. Римликларнинг янги спорт директори Фредерик Массара марокашлик футболчи бўйича музокараларни давом эттириш керакми ёки йўқлигини ҳали ҳал қилмаган.
"Ювентус" ҳам вазиятни синчковлик билан кузатиб бормоқда: туринликларга халқаро тажрибага эга чап оёқли марказий ҳимоячи керак, Агерд эса профилга жуда мос тушади.
Агерд ўтган мавсумни "Реал Сосьедад"да ижарада ўтказди ва у ерда мунтазам равишда асосий таркибда майдонга тушди: 36 та ўйин, аммо гол ва голли узатмаларсиз. Футболчининг "Вест Хэм" билан шартномаси 2027 йилнинг ёзигача мўлжалланган. Transfermarkt портали унинг нархини 18 миллион еврога баҳоламоқда.
