23 yoshli germaniyalik hujumchi Nik Voltemade "Shtutgart" bilan yangi bitim imzolashi mumkin. Bu haqda Kicker jurnalistlari xabar bermoqda.
Manbaga ko‘ra, "shvabiyaliklar" rahbariyati futbolchi bilan muzokaralarni boshlagan. Hujumchining nemis klubi bilan amaldagi shartnomasi 2028 yilning yarmigacha mo‘ljallangan.
Avvalroq, matbuotda Voltemadega Londonning "Chelsi" va Milanning "Inter" klublari qiziqish bildirayotgani haqida xabarlar tarqalgan edi. Hujumchining narxi 30 million yevroga baholanmoqda.













