23 ёшли германиялик ҳужумчи Ник Вольтемаде "Штутгарт" билан янги битим имзолаши мумкин. Бу ҳақда Kicker журналистлари хабар бермоқда.
Манбага кўра, "швабияликлар" раҳбарияти футболчи билан музокараларни бошлаган. Ҳужумчининг немис клуби билан амалдаги шартномаси 2028 йилнинг ярмигача мўлжалланган.
Аввалроқ, матбуотда Вольтемадега Лондоннинг "Челси" ва Миланнинг "Интер" клублари қизиқиш билдираётгани ҳақида хабарлар тарқалган эди. Ҳужумчининг нархи 30 миллион еврога баҳоланмоқда.













