Sevilyaning "Betis" klubi xavbeki Jonni Kardozo Ispaniyaning boshqa bir klubi - "Atletiko"ga o‘tishga yaqin turibdi. Bu haqda AS jurnalistlari xabar bermoqda.
Manbaga ko‘ra, poytaxt klubi 23 yoshli yarim himoyachi bilan hamkorlik shartlarini kelishib olgan. Endi "matraschilar" "Betis" rahbariyati bilan kelishuvga erishishi qoldi. O‘z navbatida, sevilyaliklar amerikalik yarim himoyachini sotishdan 40 million yevro ishlab olmoqchi. Madridliklar esa ko‘pi bilan 30 mln.
O‘tgan mavsumda Kardoso 46 ta o‘yin o‘tkazib, 4 ta gol va 1 ta golli uzatmani o‘z hisobiga yozdirib qo‘ydi.
