"Barselona" hujumchisi Ansu Fati baribir "Monako"ga o‘tishi mumkin. Kuni kecha muhokamalar boshi berk ko‘chaga kirib qolayotgani haqida xabarlar tarqaldi. Foot Mercato nashrining yangilangan ma’lumotlariga ko‘ra, muzokaralar yana davom etmoqda. Ko‘rinib turibdiki, klublar ijara borasida kelisha oladi. Tomonlar optimistik kayfiyatda, ammo ba’zi tafsilotlar hali hal qilinishi kerak.
"Barselona" Fati monegaskliklar safida ijara asosida to‘p tepguncha maoshining bir qismini to‘lab turadi. Liga 1 klubi yaqin kunlarda shartnomani yakunlashga umid qilmoqda.
Avvalroq, "Monako" 22 yoshli futbolchini keyinchalik sotib olish imkoniyati bilan ijaraga olishi, "Barselona" esa o‘z tarbiyalanuvchisining asosiy transfer huquqini o‘zida saqlab qolishi haqida xabarlar tarqalgan edi.













