"Барселона" ҳужумчиси Ансу Фати барибир "Монако"га ўтиши мумкин. Куни кеча муҳокамалар боши берк кўчага кириб қолаётгани ҳақида хабарлар тарқалди. Foot Mercato нашрининг янгиланган маълумотларига кўра, музокаралар яна давом этмоқда. Кўриниб турибдики, клублар ижара борасида келиша олади. Томонлар оптимистик кайфиятда, аммо баъзи тафсилотлар ҳали ҳал қилиниши керак.
"Барселона" Фати монегаскликлар сафида ижара асосида тўп тепгунча маошининг бир қисмини тўлаб туради. Лига 1 клуби яқин кунларда шартномани якунлашга умид қилмоқда.
Аввалроқ, "Монако" 22 ёшли футболчини кейинчалик сотиб олиш имконияти билан ижарага олиши, "Барселона" эса ўз тарбияланувчисининг асосий трансфер ҳуқуқини ўзида сақлаб қолиши ҳақида хабарлар тарқалган эди.
