"Milan" "Liverpul" vingeri Federiko Kyezani o‘z safiga qo‘shib olish haqida o‘ylamoqda.
"Rossonerilar" 27 yoshli futbolchini transfer maqsadlari ro‘yxatiga kiritgan, ammo italiyalik futbolchining katta maoshi tufayli transferni rasmiylashtirish oson bo‘lmasligini bilishadi. Jurnalist Janluka di Marsioning ma’lum qilishicha, Kyezaning "Milan"ga o‘tishi faqatgina klubni Noa Okafor va Samuel Chukvueze tark etgan taqdirdagina amalga oshishi mumkin.
"Milan" A Seriyaning o‘tgan turida 8-o‘rinni egalladi va yevrokuboklarga chiqa olmadi. O‘tgan mavsum yakunlangach, jamoani Massimiliano Allegri qabul qilib oldi.
