"Betis" tayanch yarim himoyachisi Jonni Kardozo faoliyatini "Atletiko"da davom ettiradi. Bunday ma’lumotlar bilan insayder Fabrisio Romano bo‘lishdi.
Manbaga ko‘ra, tomonlar amerikalik xavbekning 30 million yevrodan ortiq transferini to‘liq kelishib olgan, 23 yoshli Kardozoning o‘zi esa 5 yillik mehnat shartnomasini imzolaydi. Qayd etilishicha, bugun so‘nggi detallar hal qilinadi, shundan so‘ng futbolchi "Atletiko" safiga borib qo‘shiladi.
"Betis" Kardosoni 2024 yilning yanvarida "Internasyonal"dan atigi 6 mln yevroga sotib olgandi. O‘shandan beri u 65 ta o‘yinda maydonga tushib, beshta gol urdi va uchta golli uzatmani amalga oshirdi.













