"Бетис" таянч ярим ҳимоячиси Жонни Кардозо фаолиятини "Атлетико"да давом эттиради. Бундай маълумотлар билан инсайдер Фабрицио Романо бўлишди.
Манбага кўра, томонлар америкалик хавбекнинг 30 миллион евродан ортиқ трансферини тўлиқ келишиб олган, 23 ёшли Кардозонинг ўзи эса 5 йиллик меҳнат шартномасини имзолайди. Қайд этилишича, бугун сўнгги деталлар ҳал қилинади, шундан сўнг футболчи "Атлетико" сафига бориб қўшилади.
"Бетис" Кардосони 2024 йилнинг январида "Интернасьонал"дан атиги 6 млн еврога сотиб олганди. Ўшандан бери у 65 та ўйинда майдонга тушиб, бешта гол урди ва учта голли узатмани амалга оширди.













