Fransiyalik himoyachi Samuel Jigo "Marsel"dan "Lasio"ga doimiy asosda o‘tdi. Bu haqda Foot Mercato nashri xabar bermoqda.

Eslatib o‘tamiz, 31 yoshli Jigo o‘tgan mavsumni "Lasio"da ijara asosida o‘tkazgan edi. Ta’kidlanishicha, ijara shartnomasida muayyan shartlar bajarilgan taqdirda majburiy sotib olish to‘g‘risidagi band qayd etilgan. Manbaga ko‘ra, barcha shartlar bajarilgan, shuning uchun Jigo faoliyatini "Lasio"da davom ettiradi.

2024/25 yilgi mavsumda himoyachi barcha turnirlarda 23 ta o‘yinda maydonga tushib, 2 ta gol urdi va 1 ta golli uzatmani amalga oshirdi.