"Manchester Yunayted" joriy transfer oynasidagi asosiy maqsadini belgilab oldi - klub "Milan"ning qanot hujumchisi Rafael Leau bilan shartnoma imzolashni maqsad qilgan.

Bu haqda Caught Offside nashri xabar bermoqda. Manbaga ko‘ra, ingliz klubi 60 mln funt atrofida rasmiy taklif bilan chiqishga tayyorgarlik ko‘rmoqda. Shu bilan birga, "Milan" kelishuv summasi 68-85 mln funt sterling oralig‘ida bo‘lsa, 26 yoshli portugaliyalikni sotish imkoniyatini ko‘rib chiqmoqda. Futbolchi uchun kurashda mankunianliklarga "Arsenal" va "Chelsi" raqobatchi bo‘lishi mumkin.

Qayd etilishicha, "kanonirlar" allaqachon Leau vakillari bilan muzokaralarga kirishgan. O‘tgan mavsumda futbolchi "rossonerilar" safida barcha musobaqalarda 50 ta o‘yinda maydonga tushib, o‘z hisobiga 12 ta gol va 13 ta golli uzatmani yozdirib qo‘ydi. Futbolchining "Milan" bilan shartnomasi 2028 yilning yozigacha amal qiladi. Transfermarkt ma’lumotlariga ko‘ra, uning bozor qiymati 70 mln yevroga baholanmoqda.