"Barselona" yarim himoyachisi Pablo Torre "Malyorka"ga o‘tishga yaqin turibdi. "Qizil-qoralar" futbolchining yarim huquqini 5 mln yevroga sotib oladi, deya xabar bermoqda Diario Sport. Shuningdek, kelajakda klublar xavbekni keyingi sotishdan tushgan foydani teng bo‘lib olishadi. "Barsa" Torrening birinchi navbatda qayta sotib olish huquqiga ega bo‘ladi: bir yildan so‘ng "ko‘k-anorranglilar" futbolchini 10 million yevroga, ikki yildan so‘ng esa 12 million yevroga qaytarishi mumkin.
Pablo Torrening "Barselona" bilan amaldagi shartnomasi 2025/26 yilgi mavsum yakunida o‘z nihoyasiga yetadi. O‘tgan mavsumda 22 yoshli ispaniyalik Xans-Diter Flik jamoasining 14 ta o‘yinida qatnashib, 4 ta gol va 3 ta golli uzatmaga mualliflik qildi.
