"Барселона" ярим ҳимоячиси Пабло Торре "Мальорка"га ўтишга яқин турибди. "Қизил-қоралар" футболчининг ярим ҳуқуқини 5 млн еврога сотиб олади, дея хабар бермоқда Diario Sport. Шунингдек, келажакда клублар хавбекни кейинги сотишдан тушган фойдани тенг бўлиб олишади. "Барса" Торренинг биринчи навбатда қайта сотиб олиш ҳуқуқига эга бўлади: бир йилдан сўнг "кўк-анорранглилар" футболчини 10 миллион еврога, икки йилдан сўнг эса 12 миллион еврога қайтариши мумкин.
Пабло Торренинг "Барселона" билан амалдаги шартномаси 2025/26 йилги мавсум якунида ўз ниҳоясига етади. Ўтган мавсумда 22 ёшли испаниялик Ханс-Дитер Флик жамоасининг 14 та ўйинида қатнашиб, 4 та гол ва 3 та голли узатмага муаллифлик қилди.
