"Fluminense" himoyachisi Tiago Silva klublar o‘rtasidagi jahon chempionati chorak finalida "Al-Hilol"ga qarshi o‘yinga futbolchi va butun jamoa qanday tayyorgarlik ko‘rgani bilan o‘rtoqlashdi. O‘yin 4 iyul kuni bo‘lib o‘tdi. Bir kun avval "Liverpul" hujumchisi Diogo Jota avtohalokatda vafot etgani haqida xabar berilgandi.

"Bugun o‘yinchilar bilan muloqotda ancha erkin bo‘ldim. "Inter"ga qarshi o‘yin oldidan ular bilan biroz gaplashdim. Umuman olganda, nimadir deyishimga ishonchim komil emas edi, lekin aytganlarim juda shaxsiy, men uchun doim qadrli bo‘lgan gap edi. Doimo aytamanki, hech narsa so‘zsiz qolmasligi kerak. Do‘stlaringizga va yaqinlaringizga ularni yaxshi ko‘rishingizni ayting.

Vaqt o‘tishiga yo‘l qo‘yish juda oson, keyin aytmoqchi bo‘lgan narsani aytish juda kech bo‘lishi mumkin. Menimcha, bu ularga ta’sir qildi. Diogo Jota bilan nima bo‘lganini bilgach, darhol bu haqda o‘yladim. Ertangi kunni kutmang. Agar biror narsa qilishni istasangiz, hozir qiling. Nima bo‘lishidan qat’iy nazar, siz xotirjam bo‘lishingiz mumkin", - dedi braziliyalik futbolchi FIFA rasmiy saytiga.

“Fluminense” “Al-Hilol”ni 2:1 hisobida mag‘lub etdi. Uchrashuv oldidan Jota va uning ukasi Andre Silva xotirasiga bir daqiqalik sukut saqlandi. Saudiya klubida o‘ynayotgan portugaliyalik Ruben Nevesh va Joau Kanselu o‘sha paytda ko‘z yoshlarini tiya olishmadi. Jamoadoshlari ularga tasalli berishga harakat qilishdi.