Londonning “Arsenal” klubi “Sporting” forvardi Viktor Gyokeresh transferi ustida ishlamoqda.

The Athletic xabariga ko‘ra, 27 yoshli shvesiyalik futbolchi “kanonirlar” bilan 5 yillik shartnoma imzolaydi.

Futbolchi haftasiga 200 ming funt miqdorida maosh olishi mumkin.

Tomonlar muzokaralarni yakunlash arafasida. Biroq “Sporting” Viktorning transferidan 80 mln yevro ishlab olishni maqsad qilgan.

“Arsenal” esa transfer summasini kamaytirish ustida ishlamoqda.

O‘tgan mavsumda Gyokeresh “Sporting” safida barcha turnirlarda 52 ta o‘yinda 54 ta gol urdi, 13 ta golli uzatmani amalga oshirdi.