"Valensiya" Vinisius Junior haqidagi Netflix hujjatli filmida "Mestalya" tribunasiga noo‘rin ravishda irqchilik ayblovlari qo‘yilgani sababli Netflix’ga qarshi da’vo tayyorlamoqda. Bu haqda Marca xabar berdi.
Manbaga ko‘ra, klub subtitrlarda Vinisiusga muxlislar tomonidan «maymun» deb baqirilgani haqida noto‘g‘ri ma’lumot berilganini ta’kidlamoqda — aslida esa ular «ahmoq» degan.
Biroq film yaratuvchilari buni tuzatishdan bosh tortgan. "Valensiya"ning ayrim aksiyadorlari klub rahbariyatini harakatsizlikda ayblab, jamoa va uning muxlislarining obro‘sini himoya qilish uchun faol huquqiy choralar ko‘rishni talab qilmoqda.
