"Валенсия" Винисиус Жуниор ҳақидаги Netflix ҳужжатли фильмида "Месталья" трибунасига ноўрин равишда ирқчилик айбловлари қўйилгани сабабли Netflix’га қарши даъво тайёрламоқда. Бу ҳақда Marca хабар берди.

Манбага кўра, клуб субтитрларда Винисиусга мухлислар томонидан «маймун» деб бақирилгани ҳақида нотўғри маълумот берилганини таъкидламоқда — аслида эса улар «аҳмоқ» деган.

Бироқ фильм яратувчилари буни тузатишдан бош тортган. "Валенсия"нинг айрим акциядорлари клуб раҳбариятини ҳаракатсизликда айблаб, жамоа ва унинг мухлисларининг обрўсини ҳимоя қилиш учун фаол ҳуқуқий чоралар кўришни талаб қилмоқда.