"Barselona" Oriol Romeu bilan shartnomani bekor qilishi mumkin.

Marca nashri xabariga ko‘ra, "ko‘k-anorranglilar" bosh murabbiyi Xans-Diter Flik "Jirona"ga ijara asosida qaytgan 33 yoshli yarim himoyachini o‘z rejalariga kiritmayapti. Futbolchi va germaniyalik mutaxassis yaqin orada uchrashadi.

Qayd etilishicha, "Barselona" Romeu bilan 2026 yilda tugaydigan shartnomani uzaytirishni rejalashtirmayapti. Yarim himoyachi bilan xayrlashishning turli variantlari, jumladan, shartnomani bekor qilish ham ko‘rib chiqilmoqda.

Shu bilan birga, "Jirona" bosh murabbiyi Michel Sanches keyingi mavsumda Oriolni jamoada ko‘rmoqchi. Barcha tomonlar futbolchining kelajagi masalasini “Barselona”ning Osiyo turnesi boshlanishidan oldin hal qilmoqchi.