"Барселона" Ориол Ромеу билан шартномани бекор қилиши мумкин.
Marca нашри хабарига кўра, "кўк-анорранглилар" бош мураббийи Ханс-Дитер Флик "Жирона"га ижара асосида қайтган 33 ёшли ярим ҳимоячини ўз режаларига киритмаяпти. Футболчи ва германиялик мутахассис яқин орада учрашади.
Қайд этилишича, "Барселона" Ромеу билан 2026 йилда тугайдиган шартномани узайтиришни режалаштирмаяпти. Ярим ҳимоячи билан хайрлашишнинг турли вариантлари, жумладан, шартномани бекор қилиш ҳам кўриб чиқилмоқда.
Шу билан бирга, "Жирона" бош мураббийи Мичель Санчес кейинги мавсумда Ориолни жамоада кўрмоқчи. Барча томонлар футболчининг келажаги масаласини “Барселона”нинг Осиё турнеси бошланишидан олдин ҳал қилмоқчи.
