La Gazzetta dello Sport nashri xabariga ko‘ra, "Roma" va "Brayton" Evan Fergyusonning transferi shartlari bo‘yicha haligacha kelisha olmayapti.
"Bo‘rilar" taxminan 25 million yevroga sotib olish imkoniyati bilan ijara shartnomasini taklif qilmoqda, "chayqalar" esa 40-45 million yevroga majburiy sotib olishni talab qilmoqda.
Futbolchining o‘zi allaqachon transferga rozi bo‘lgan va klublarning kelishuvga erishishini kutmoqda.
Eslatib o‘tamiz, 20 yoshli irlandiyalik futbolchi 2021 yilning avgust oyidan buyon "Brayton"da o‘ynab kelmoqda. O‘tgan mavsumning ikkinchi yarmida u "Vest Xem"ga ijaraga berilgandi.













