Ispaniya La Ligasi prezidenti lavozimida ishlab kelayotgan Xavyer Tebas chempionat o‘yinini Mayamida o‘tkazish istagini yana bir bor bildirdi.
"Biz qachondir La Liga o‘yinini Mayamida o‘tkazish niyatidamiz. Buning uchun katta jamoa - "Barselona" yoki "Atletiko" kerak. Munosabatlarimizni hisobga olsak, Madridning "Real"idan ko‘ra "Barselona"ni tanlash osonroq," - deya Tebasning so‘zlarini keltiradi Ispaniyaning SPORT nashri.
Ispaniyaning amaldagi chempioni "Barselona" hisoblanadi. O‘tgan mavsumda Xans-Diter Flik jamoasi ichki arenadagi uchala turnirda ham g‘alaba qozongan edi. Kataloniyaliklar yangi mavsumga tayyorgarlikni boshlab yuborgan.
