"Yuventus" "Manchester Yunayted" hujumchisi Rasmus Xyoylundni sotib olish imkoniyatini ko‘rib chiqmoqda.
"Keksa sinyora" vakillari "qizil iblislar" vingeri Jeydon Sancho transferi ustida ishlamoqda. La Stampa xabariga ko‘ra, angliyalik futbolchi bo‘yicha muzokaralar chog‘ida "byankonerilar" Xyoylund bo‘yicha ehtimoliy bitim shartlari bilan qiziqishgan. Ma’lumki, ingliz klubi "Atalanta"dan o‘tganidan ikki yil o‘tib ham o‘zini ko‘rsata olmagan daniyalik hujumchi bilan xayrlashishga tayyor.
Rasmusga Milanning "Inter" va "Napoli" klublari ham qiziqish bildirgan edi, ammo so‘nggi paytlarda bu mish-mishlar kamaydi. Transfermarkt portali 22 yoshli futbolchining narxini 35 mln yevroga baholamoqda.
