"Ювентус" "Манчестер Юнайтед" ҳужумчиси Расмус Хёйлундни сотиб олиш имкониятини кўриб чиқмоқда.

"Кекса синьора" вакиллари "қизил иблислар" вингери Жэйдон Санчо трансфери устида ишламоқда. La Stampa хабарига кўра, англиялик футболчи бўйича музокаралар чоғида "бьянконерилар" Хёйлунд бўйича эҳтимолий битим шартлари билан қизиқишган. Маълумки, инглиз клуби "Аталанта"дан ўтганидан икки йил ўтиб ҳам ўзини кўрсата олмаган даниялик ҳужумчи билан хайрлашишга тайёр.

Расмусга Миланнинг "Интер" ва "Наполи" клублари ҳам қизиқиш билдирган эди, аммо сўнгги пайтларда бу миш-мишлар камайди. Transfermarkt портали 22 ёшли футболчининг нархини 35 млн еврога баҳоламоқда.