Madridning "Real" klubi hamon "Arsenal" markaziy himoyachisi Vilyam Salibaga qiziqishda davom etmoqda. Bu haqda AS xabar bermoqda.
Manbaga ko‘ra, "qaymoqranglilar" fransiyalik futbolchining Chempionlar ligasining o‘tgan mavsumidagi o‘yinlaridan hayratda qolishgan. Xususan, Saliba musobaqaning chorak finalida jamoalarning o‘zaro o‘yinlarida "Qirollik klubi" hujumchisi Kilian Mbappega qarshilik qilgani bilan.
Ta’kidlanishicha, 24 yoshli himoyachi "kanonirlar" bilan 2027 yilning yozida tugaydigan shartnomasini uzaytirmoqchi emas. Shu bilan birga, "Arsenal" Saliba bilan mehnat shartnomasini 2032 yilgacha uzaytirmoqchi.
O‘tgan mavsumda fransuz barcha musobaqalarda 51 ta o‘yinda maydonga tushib, 2 ta gol urgan. Transfermarkt portalida keltirilgan ma’lumotlarga ko‘ra, futbolchining bozor narxi 80 mln yevroni tashkil etadi.













