Мадриднинг "Реал" клуби ҳамон "Арсенал" марказий ҳимоячиси Вильям Салибага қизиқишда давом этмоқда. Бу ҳақда АС хабар бермоқда.
Манбага кўра, "қаймоқранглилар" франциялик футболчининг Чемпионлар лигасининг ўтган мавсумидаги ўйинларидан ҳайратда қолишган. Хусусан, Салиба мусобақанинг чорак финалида жамоаларнинг ўзаро ўйинларида "Қироллик клуби" ҳужумчиси Килиан Мбаппега қаршилик қилгани билан.
Таъкидланишича, 24 ёшли ҳимоячи "канонирлар" билан 2027 йилнинг ёзида тугайдиган шартномасини узайтирмоқчи эмас. Шу билан бирга, "Арсенал" Салиба билан меҳнат шартномасини 2032 йилгача узайтирмоқчи.
Ўтган мавсумда француз барча мусобақаларда 51 та ўйинда майдонга тушиб, 2 та гол урган. Transfermarkt порталида келтирилган маълумотларга кўра, футболчининг бозор нархи 80 млн еврони ташкил этади.
