"Inter"ning sobiq futbolchisi Uesli Sneyder klublar o‘rtasidagi jahon chempionatining yangilangan formati haqida fikr bildirdi.
"Musobaqaning yangi tizimi haqiqatan ham qiziqarli. Ishtirokchilar sonining ko‘payishi Yevropadan tashqaridagi klublarga ko‘proq e’tibor qaratish imkoniyatini beradi va bu muhim. Futbol allaqachon global o‘yinga aylangan va butun dunyodagi muxlislar bunday darajadagi xilma-xillikni ko‘proq ko‘rishga loyiq. Men Mayamida bir nechta o‘yinlarni tomosha qildim - taassurotlarim juda yaxshi," - dedi Sneyder WinWin bilan suhbatda.
