"Inter Mayami" prezidenti Xorxe Mas jamoa hujumchisi Lionel Messining MLS yulduzlar terma jamoasi o‘yinini o‘tkazib yuborgani uchun diskvalifikasiya qilinishiga izoh berdi.

"Lionel Messi nihoyatda xafa. Umid qilamanki, bu uzoq muddatli istiqbolga ta’sir qilmaydi. Bu Messining ligaga va uning qoidalariga bo‘lgan munosabatiga ta’sir qiladimi? Shubhasiz," - deya Masning X ijtimoiy tarmog‘idagi so‘zlarini keltiradi jurnalist Tom Bogert.

38 yoshli argentinalik futbolchi diskvalifikasiya tufayli 26 iyul kuni MLS muntazam chempionatida "Sinsinnati"ga qarshi o‘yinda maydonga tushmaydi.