Moskvaning SSKA klubi bilan xayrlashgan bosniyalik yarim himoyachi Miralem Pyanich klubsiz qolmoqda. U o‘ziga yaxshi tanish bo‘lgan Italiya chempionatiga qaytish variantlarini izlamoqda. U o‘tmishda u yerda "Roma" va "Yuventus"da o‘ynagan.

"Men hozir shaxsiy murabbiy bilan mashq qilyapman, yana bir-ikki yil o‘ynashni xohlayman va qiziqarli loyiha izlayapman. Italiyaga qaytishmi? Nega endi yo‘q? U yer men uchun ikkinchi uyimga aylandi," - deya Pyanichning so‘zlarini keltiradi Italiyaning La Gazzetta Dello Sport nashri.

Eslatib o‘tamiz, A Seriyada yangi mavsum avgust oyining ikkinchi yarmida boshlanadi.