Amsterdamning "Ayaks" klubi himoyachisi Yorrel Xato "Chelsi"ga o‘tmoqchi. 19 yoshli futbolchi yakshanba kuni bo‘lib o‘tgan va amsterdamliklarning mag‘lubiyati (0:3) bilan yakunlangan Italiyaning "Komo" klubi bilan o‘rtoqlik uchrashuvi qaydnomasiga kiritmaslikni so‘ragan.
Transfer News Live nashrining Niderlandiya matbuotiga tayanib xabar berishicha, futbolchi jarohat olib, "Chelsi"ga transferi barbod bo‘lishidan xavotirda, shu bois muzokaralar yakunlanmaguncha maydonga tushishni istamayapti.
London grandi allaqachon Xatoning o‘zi bilan kelishib bo‘lgan, ammo "Ayaks" bilan transfer shartlarini kelishib olgani yo‘q. Bitim qiymati 40 mln yevrodan oshishi taxmin qilinmoqda.
