Амстердамнинг "Аякс" клуби ҳимоячиси Йоррель Хато "Челси"га ўтмоқчи. 19 ёшли футболчи якшанба куни бўлиб ўтган ва амстердамликларнинг мағлубияти (0:3) билан якунланган Италиянинг "Комо" клуби билан ўртоқлик учрашуви қайдномасига киритмасликни сўраган.
Transfer News Live нашрининг Нидерландия матбуотига таяниб хабар беришича, футболчи жароҳат олиб, "Челси"га трансфери барбод бўлишидан хавотирда, шу боис музокаралар якунланмагунча майдонга тушишни истамаяпти.
Лондон гранди аллақачон Хатонинг ўзи билан келишиб бўлган, аммо "Аякс" билан трансфер шартларини келишиб олгани йўқ. Битим қиймати 40 млн евродан ошиши тахмин қилинмоқда.
