"Barselona" bosh murabbiyi Xans-Diter Flik "Manchester Yunayted"dan Kataloniya klubiga ijara asosida o‘tgan hujumchi Markus Reshford haqida gapirdi.
"Markus - ajoyib o‘yinchi, men uni ko‘p yillar davomida kuzatib kelaman. U juda zo‘r, va umid qilamizki, u jamoa bilan yangi mavsumda buni ko‘rsata oladi", - dedi Flik Sport.es bilan suhbatda.
Markus Reshford - "Manchester Yunayted" akademiyasining bitiruvchisi, u o‘tgan mavsumning ikkinchi qismini "Aston Villa"da ijara asosida o‘tkazdi. Futbolchi o‘tgan klub mavsumida 41 ta o‘yinda 11 ta gol urdi va 9 ta golli uzatmani amalga oshirdi. Bundan tashqari, 2016 yildan buyon Markus Reshford Angliya terma jamoasi sharafini himoya qilib kelmoqda.
