"Venesiya" sardori Jey Idzes xizmatiga birdaniga 3 ta italyan klubi qiziqish bildirgan. Futbolchining narxi 10 million yevroga baholanmoqda.

"Sassuolo", "Verona" va "Torino" allaqachon futbolchi va klub bilan kerakli muzokaralarni o‘tkazgan. "Verona"ga birgina Idzes kerak bo‘lsa, "Sassuolo" yana Fali Kande bilan ham shartnoma imzolamoqchi.

"Torino" Idzesni forvard Oristanio transferining bir qismi sifatida ko‘rmoqda.

Jey Idzes 25 yoshda, u Niderlandiyada tug‘ilgan va Indoneziya terma jamoasi sharafini himoya qiladi. O‘tgan mavsumda u klub miqyosida 37 ta o‘yinda maydonga tushib, 5 ta sariq kartochka oldi va 2 ta gol urdi. Uning jamoasi mavsum yakuniga ko‘ra A Seriyani tark etdi.