Xitoyda 13 yoshli futbol jamoalari o‘rtasida o‘tkazilgan "Qiaoxin Cup" 6-Xalqaro musobaqasida O‘zbekistonning yosh o‘smirlar jamoasi 2-o‘rinni egalladi.
Xitoy mamlakatining hamda xorijiy davlatlarning 32 ta jamoasi qatorida O‘zbekiston davlat jismoniy tarbiya va sport universiteti hamda Respublika olimpiya va paralimpiya sport turlariga tayyorlash markazi hamkorligida tashkil etilgan “Olympic” sport klubi yosh futbolchilaridan tashkil topgan O‘zbekiston jamoasi olti kunlik musobaqalarda o‘z mahoratini namoyish etdi.
Saralash, chorak final, yarim final o‘yinlarida g‘alabaga erishgan umidli futbolchi yoshlarimiz finalda Xitoy jamoasiga imkoniyatni boy berib, kumush medallarga sazovor bo‘ldi.
