Himoyachi Xarri Maguayr "Manchester Yunayted"da qoladigan bo‘ldi. Daily Mail nashriga ma’lum bo‘lishicha, "qizil iblislar" 32 yoshli futbolchi bo‘yicha 5 ta taklifni - Premyer-ligadan 3 ta va Italiyadan 2 ta taklifni rad etishgan.

Manfaatdor klublarga "Manchester Yunayted" Maguayrni saqlab qolishga intilayotgani ma’lum qilindi. Shu bilan birga, himoyachi bilan shartnomani uzaytirish bo‘yicha muzokaralar hali o‘tkazilmagan. Amaldagi mehnat shartnomasi 2026 yilning yarmigacha mo‘ljallangan.

Maguayrning o‘zi "Manchester Yunayted"da o‘ynashda davom etmoqchi. U klubda olti mavsum o‘tkazdi. Bu vaqt ichida himoyachi 246 ta o‘yinda maydonga tushib, 15 ta gol urdi va sheriklariga 8 ta golli uzatmani amalga oshirdi.