"Milan" yarim himoyachisi Luka Modrich jamoadoshi Rafael Leau haqida o‘z fikrlarini bildirdi.
39 yoshli xorvatiyalik iyul oyida Massimiliano Allegri jamoasiga ko‘chib o‘tgandi.
"Leauni top-futbolchi deb bilamanmi? Albatta. Men uchun u jahon darajasidagi futbolchi, u bilan "Milan"ning omadi keldi. Men unga qarshi klub miqyosida va terma jamoada o‘ynaganman - va uning qanchalik yaxshi ekanini darhol ko‘rdim. U top-o‘yinchi, bunga shubha yo‘q," - dedi Modrich DAZN bilan suhbatda.
Rafael Leau 2019 yilda klubga kelganidan beri "rossonerilar" safida 260 ta o‘yinda maydonga tushib, 70 ta gol va 62 ta golli uzatmaga mualliflik qilgan.













