Fransiyaning "PSJ" klubi bosh murabbiyi Luis Enrike jamoaning yangi mavsumdagi maqsadlari haqidagi savolga javob berdi.
"Ketma-ket ikkita Chempionlar Ligasida g‘olib chiqmoqchimiz. Maqsadimiz shu. Ammo buni amalga oshirish juda qiyin bo‘lishini bilamiz," - dedi Enrike matbuot anjumanida.
Eslatib o‘tamiz, "PSJ" o‘tgan mavsumda Fransiya chempionatida, Chempionlar ligasi, Fransiya Kubogi va Superkubogida g‘alaba qozonib, birdaniga 4ta sovrinni qo‘lga kiritgan edi. Parijliklar yangi mavsumni UEFA Superkubogida g‘alaba qozonish bilan boshladi.













