«Real Madrid» — «Osasuna» bellashuvi oldidan Xabi Alonso matbuot anjumanida o‘z fikrlarini bildirdi.

• «Biz katta hayajondamiz, “Bernabeu”da startni va chiqishni intizorlik bilan kutyapmiz».

• «Biz yaxshi boshlashni xohlaymiz. Birinchi o‘yin har doim juda muhim».

• «Sovrinlar? Men “avval qil, keyin gapir” deyman».

• «Mastantuono? U meni hayratga soldi. O‘ziga ishongan, juda puxta. U ajoyib tarzda moslashmoqda».

• «Transferlar? Men tarkibimdagi futbolchilarga e’tibor qaratganman va ularning har biri imkoniyatining 100%ini berishini xohlayman».

• «Trent va Dani Karvaxal? Bu yaxshi raqobat. Bir nechta variantlarimizning borligi ajoyib. Men birini tanlashimga to‘g‘ri keladi, lekin ikkalasi ham jamoada bo‘lishi yaxshi».

• «O‘yinni ko‘chirish? Yaxshi bo‘lardi, futbolchilarga ko‘proq dam berish kerak. Lekin hech qanday bahona yo‘q, biz uyga qaytib, muxlislarimiz oldida o‘ynashdan xursandmiz».

• «Men klubning “Vilyarreal” — “Barselona” o‘yini bo‘yicha bayonotiga qo‘shilaman. La Liga o‘yinlari Ispaniyada o‘tkazilishi kerak».

• «Biz maydonda jamoa bo‘lib ishlashni xohlaymiz. Hujumchilar, yarim himoyachilar… hammamiz birga hujum qilishimiz va birga himoyalanishimiz kerak. Bu juda muhim. KO‘JCHda bunga erishdik, ammo yana ko‘p ish qilishimiz kerak».

• «Mastantuononing chap oyog‘i ajoyib. ha, u ertagayoq maydonga tushishi mumkin».

• «Hakamlar? Mavsum qanday boshlanishini ko‘ramiz. Hozir bu haqda gapirishni istamayman. Hali erta. Ko‘ramiz».

• «Mening “Bernabeu”dagi muxlislar bilan aloqalarim doim ajoyib bo‘lgan. Hatto yiroqda bo‘lganimda ham “Madrid” muxlislarining muhabbatini his qilganman. Men tayyorman va uyga qaytganimdan juda xursandman».

• «Rodrigo? Yozda har doim mish-mishlar bo‘ladi. Men Rodrigodan 100% foydalanaman».

• «Futbolchilarim o‘zlaridan va o‘yinlaridan zavq olishlari kerak. Ular juda ko‘p narsaga qodir».