«Реал Мадрид» — «Осасуна» беллашуви олдидан Хаби Алонсо матбуот анжуманида ўз фикрларини билдирди.

• «Биз катта ҳаяжондамиз, “Бернабеу”да стартни ва чиқишни интизорлик билан кутяпмиз».

• «Биз яхши бошлашни хоҳлаймиз. Биринчи ўйин ҳар доим жуда муҳим».

• «Совринлар? Мен “аввал қил, кейин гапир” дейман».

• «Мастантуоно? У мени ҳайратга солди. Ўзига ишонган, жуда пухта. У ажойиб тарзда мослашмоқда».

• «Трансферлар? Мен таркибимдаги футболчиларга эътибор қаратганман ва уларнинг ҳар бири имкониятининг 100%ини беришини хоҳлайман».

• «Трент ва Дани Карвахаль? Бу яхши рақобат. Бир нечта вариантларимизнинг борлиги ажойиб. Мен бирини танлашимга тўғри келади, лекин иккаласи ҳам жамоада бўлиши яхши».

• «Ўйинни кўчириш? Яхши бўларди, футболчиларга кўпроқ дам бериш керак. Лекин ҳеч қандай баҳона йўқ, биз уйга қайтиб, мухлисларимиз олдида ўйнашдан хурсандмиз».

• «Мен клубнинг “Вильярреал” — “Барселона” ўйини бўйича баёнотига қўшиламан. Ла Лига ўйинлари Испанияда ўтказилиши керак».

• «Биз майдонда жамоа бўлиб ишлашни хоҳлаймиз. Ҳужумчилар, ярим ҳимоячилар… ҳаммамиз бирга ҳужум қилишимиз ва бирга ҳимояланишимиз керак. Бу жуда муҳим. КЎЖЧда бунга эришдик, аммо яна кўп иш қилишимиз керак».

• «Мастантуононинг чап оёғи ажойиб. ҳа, у эртагаёқ майдонга тушиши мумкин».

• «Ҳакамлар? Мавсум қандай бошланишини кўрамиз. Ҳозир бу ҳақда гапиришни истамайман. Ҳали эрта. Кўрамиз».

• «Менинг “Бернабеу”даги мухлислар билан алоқаларим доим ажойиб бўлган. Ҳатто йироқда бўлганимда ҳам “Мадрид” мухлисларининг муҳаббатини ҳис қилганман. Мен тайёрман ва уйга қайтганимдан жуда хурсандман».

• «Родриго? Ёзда ҳар доим миш-мишлар бўлади. Мен Родригодан 100% фойдаланаман».

• «Футболчиларим ўзларидан ва ўйинларидан завқ олишлари керак. Улар жуда кўп нарсага қодир».