Yarim himoyachi Nemanya Matich tez orada Italiyaga qaytishi mumkin. 37 yoshli futbolchi erkin agent sifatida "Sassuolo"ga o‘tish arafasida turibdi, deya xabar bermoqda insayder Nikolo Skira. Serbiyalik futbolchining "neroverdi" bilan shartnomasi mavsum oxirigacha mo‘ljallangan va uni 2027 yilgacha uzaytirish imkoniyati mavjud.
Nemanya Matich o‘tgan haftada Fransiyaning "Lion" klubi bilan shartnomasini bekor qildi. Tajribali xavbek 2022-2023 yillarda "Roma" sharafini himoya qilgan.
"Sassuolo" o‘tgan mavsum yakunlariga ko‘ra, B Seriyada birinchi o‘rinni egallab, yuqori divizionga qaytdi.













