2029 yilgi KO‘JCH yozda bo‘lib o‘tadi, FIFA 48 jamoani istamaydi va saralash pley-offini rejalashtirmoqda.
FIFA qit’a konfederasiyalariga navbatdagi klublar o‘rtasidagi jahon chempionati 2029 yilning yozida o‘tkazilishi haqida ma’lum qildi, deb yozadi Guardian.
Bu qaror katta ehtimol bilan Qatarning turnir mezbonligi uchun arizasini avtomatik ravishda rad etishiga olib keladi. Qayd etilishicha, uni tashkil etish uchun Ispaniya va Marokash ariza berishi mumkin.
Jahon chempionatini qishda emas, yozda o‘tkazish orqali FIFA Yevropa ligalariga qulaylik yaratmoqchi. Ammo Qatar ob-havosi bunga mos emas.
Shuningdek, FIFA konfederasiyalarga 2029 yilgi turnirda bu yilgidan ko‘proq jamoalar ishtirok etishi rejalashtirilgani haqida ma’lum qildi. AQSHdagi turnirda 32 ta jamoa ishtirok etdi va “Chelsi” 85 million funt mukofot puliga ega bo‘lib, g‘olib bo‘ldi.
Ta’kidlanishicha, klublarning o‘zlari turnir ishtirokchilari sonini 48 ta jamoaga yetkazishdan manfaatdor. Biroq, bu raqam 2029 yilgi turnir uchun kafolatlanmagan.
FIFA turnirda ishtirok etish huquqi uchun saralash pley-off o‘yinlarini o‘tkazish orqali ishtirokchilar sonini kengaytirish variantini o‘rganmoqda. Xalqaro federasiyaning fikricha, bunday o‘yinlar raqobatga ko‘proq e’tiborni jalb qilishi va televideniye huquqlari narxini oshirishi mumkin.
