"Nyukasl" rahbariyati Aleksandr Isakning kelajagini muhokama qilish uchun uning oldiga bordi.
Avvalroq, "Nyukasl" hujumchini 110 mln funt va bonuslar evaziga "Liverpul"ga sotmagan edi. Hujumchi "hakkalar" safida o‘ynashdan va jamoa bilan mashg‘ulot o‘tkazishdan bosh tortmoqda. Futbolchi klubning qandaydir va’dasi "buzilgani" haqida bayonot berdi.
Sky Sports xabariga ko‘ra, "Nyukasl" direktori Jeymi Ruben va Yakob Solis dushanba kuni bo‘lib o‘tgan "Liverpul"ga qarshi o‘yin (2:3) oldidan Aleksandr Isakning uyiga tashrif buyurgan.
Tomonlar hamon mavhumligicha qolayotgan forvardning kelajagi borasida muzokaralar olib borishdi. "Nyukasl" bosh murabbiyi Eddi Xau "Liverpul"dan uchralgan mag‘lubiyatdan keyin Isak masalasiga oydinlik kiritilishini kutayotganini aytdi.
Klub raisi Yosir Al-Rumayyan o‘yinni stadiondan kuzatdi, ammo Aleksandr bilan muzokaralarda qatnashmadi.













